Var på konsert med Shit City i går. NM i rå countryrock! Herlig herlig 
Archive for March, 2009
Litt nytt frå vestfronten
28
Mar
Jauda.. Maten på “5 bord” var kjempegod den, og billigare enn forventa Så det var bra. Granåsen var prega av litt dårleg vær, men ellers ein ganske koseleg dag. Denne helga er ein kompis frå militæret på besøk i byen, så det er hyggeleg. Var ute på byen ein tur i går, så får vi sjå kva vi finn på i dag. Eg skal vistnok på “trønderfæst” i kveld.. Kan jo bli.. Spennande.. Har tilogmed lova å stille i bart, dum som eg er.. Og i morgon skal eg på kino og sjå “menn som hater kvinner”. Bli bra ja!
Oi.. Oppdatering kanskje?
16
Mar
Jau.. Tida flyg.. Ei lita stund sidan sist oppdatering no, og ein del vann har runne under brua. Har ein mykje å gjera rekk ein ikkje stort anna enn det ein må.. Vel, sidan sist har da følgjande skjedd: Capoeira workshop med Professor Coiote, kjempeartig. Meget bra fest! For ein gongs skyld trivdest eg på ein fest med høg latinodansefaktor..
Deretter capoeira show på Samfundet i forbindelse med ISFIT. Det bestod i at vi storma inn i diverse pubbar/lokale på Samfundet og starta spela capoeira i ein 5-10 minutters tid. Før vi forsvant like fort som vi dukka opp. Dette til stor glede for ein gjeng brasilianere som stod jublande med brasilianske flagg på sidelinja. Deretter nytt show i Vår Frues Kirke, litt anna stemning, litt mindre party capoeira ute av kontroll, og meir sakte og praktfull capoeira, koselig. Kvelden blei avslutta med konsert med Marit Larsen på Blæst.
Nest konsert i rekkja var Danko Jones på Samfundet. Heilt greit, men litt lite lukt av alkoholisme, sigarettsneipar og “ekte” rock n’ roll. Med andre ord ei velsmurt rockemaskin på turné. Siste konsert i rekka var Opeth. Eg var ikkje særskilt fan av Opeth før konserten, eg er det no. Nuff’ said. Dei leverte varene så det stod etter!
Så.. Kva skjer? Tja, til helga skal eg i alle fall avsted å sjå verdskupp i skiskyting i Granåsen. Også skal eg eta ein bedre middag på den relativt eksklusive restauranten “5 bord”. Gledar meg til maten, gruar meg til å sjå rekninga..